切換到繁體
00:00
 [ti:错梦]
 [ar:任剑辉 白雪仙]
 [al:西楼错梦]
 [au:唐涤生]
 [by:operawillis@gmail.com]
  
[00:00.00] 
[00:00.00]西楼错梦
[00:00.00]第二场 错梦
[00:00.00]任剑辉 白雪仙演唱
[00:00.00]唐涤生撰曲
[00:00.00] 
[00:00.00]任剑辉饰于叔夜
[00:00.00]白雪仙饰穆素徽
[00:00.00]梁醒波饰胥表即胥长公
[00:00.00]苏少棠饰池同
[00:00.00]靓次伯饰于鲁号雪宾
[00:00.00]任冰儿饰轻鸿
[00:00.00]英丽梨饰银簧
[00:00.00]陈铁善饰花六娘
[00:00.00]朱少波饰文豹
[00:00.00]欧伟泉饰赵祥即赵三爷，字将伯
[00:00.00]白龙珠饰池相国
[00:00.00]麦秋侬饰刘楚楚
[00:00.00] 
[00:12.00]叔夜: (叹息介白) 唉！忽被更声惊破梦，只见一床书卷一帘花，
[00:22.50]文豹: (以米盘捧药一碗食住谱子上低叫白) 相公呀，饮咗碗药先啦，
[00:25.50]叔夜: (白) 饮药，哎，食药就贃口苦啫，食极我都唔会医得呢个病好嘅嘞，
[00:31.50]文豹: (白) 呀，唔系咁讲喇相公，老爷话你归来之后，喃喃自语，咄咄书空，恐怕你着了邪魔，色迷心窍咁话，所以请个名医包必济连下两方，为你驱魔除妖呀，
[00:48.50]叔夜: (白) 唉，拎开啦，(花下句) 灵丹都难解我心头病，我魂在西楼穆女家。谁开金锁启玉门，便是如来将身化；
[01:09.50]文豹: (摇头嘻嘻笑白) 唉吔，相公呀，相公呀，相公，奴才真系担当不起，你咁样做法即系叫我死㗎啫，如果相公你唔饮呀，阿老爷又入嚟㗎咋相公，
[01:21.50]叔夜: (急白) 我怕咗你喇，饮就饮啦，唔好成日搵老爷嗰两个字嚟压我喇，
[01:26.00]文豹: (白) 我唔讲喇，
[01:27.50]张千: (细声白) 阿小哥，今有西楼穆姑娘托我带来书信一封，说道要面交公子，敢烦小哥你暗里通传，可知此书值万金，非同玩耍㗎，
[01:45.00](叔夜闻人声隔门偷听介)
[01:45.00]叔夜: (白) 呢位老人家，我听闻话有书交俾于叔夜系吗？
[01:49.50]张千: (白) 你就系于公子？
[01:50.00]叔夜: (白) 冇错，冇错，
[01:50.50]张千: (白) 系呀，系呀，姑娘吩咐听候回音喎，
[01:55.50]叔夜: (抢信白) 咁唔该晒你呀吓，
[01:58.50]雪宾: (食住此介口什边内场叫白) 叔夜，叔夜，
[02:00.00]文豹: (大惊失色白) 叫，叫喇，老爷，
[02:01.50]叔夜: (一才扎觉白) 唔好嘈，老人家，因为我家训森严，现在我不及看书，你返去回复素徽，你话我依书行事呀，你话佢信内点样话，我就点样做㗎喇，唔该你返去回复佢啦，
[02:11.50]张千: (白) 阿公子呀公子，姑娘临行吩咐，要讨回公子信物，方才信我，
[02:18.00]叔夜: (白) 咁信物，你等一等，等一等，我有玉燕一只，你交俾素徽，你话就系订情嘅信物，嗱，重有黄金一两，作为酬劳，唔该你，记得话俾佢知，叫佢唔驶担心呀，我依书行事呀，佢讲乜嘢，我就点样做，(叔夜无可奈何拈金塞与文豹白) 哎吔我怕咗你喇，成日好似冤鬼咁！哎，快啲躝啦！
[03:01.00]雪宾: (食住此介口什边底景上了一才白) 唔叔夜，你行开嚟，
[03:05.50]叔夜: (连随将书夹于线装书回身应白) 哦，哦，
[03:07.00]雪宾: (一才喝白) 阿叔夜，(口古) 为父者虽有爱子姑息之心，奈何祖训呀，佢都并无宽容之处噃，按祖训嘅遗章，娼妓者例不能踏入我于门，(一才) 你有明知故犯都非儿孙也；
[03:30.50]叔夜: (急白) 阿爹，你此言差矣喇 (介) (口古) 文士落拓于街头，未毁其志者，可称完人，青楼女子，未毁其贞节者，可称完璧，文士尚可以登科取仕，女子焉能不嫁入良家呢又。
[03:49.00]雪宾: (重一才语结老差成怒介白) 哎哟，叔夜 (花下句) 此后重门都永隔章台梦，你当知道，仗义当无古押衙。我深于阅历教儿曹，八句箴言儿记下；(白) 叔夜，我有八句箴言，宣读出来之后呀，我要你跪在庭阶，你要重新朗诵，好待你刻骨铬心，都不作非非之想，
[04:40.00]叔夜: (连随跪下白) 孩儿愿聆教训，
[04:42.00]雪宾: (一才白) 听住嚟，(乙反木鱼) 镜花水月就千般假；千古薄情都是野花。千金买笑招闲话；一任风摇蕊破蝶蜂侵花月芽。琵琶门巷口多车马；自非生张熟魏区区三两家。今朝接客谈婚嫁；明日重来不奉茶。(白) 记得吗？
[05:52.50]叔夜: (介白) 阿爹，(一口气接白) 呢八句箴言系老生常言呀，我以为，名过其实啰，我想，
[06:02.50]雪宾: (喝白) 跪晌处，嗱，今生阿穆素徽呀，若有踏入我于门，哼哼，父子黄泉都恐无重见之期，你要重头念起，快啲念，念！
[06:22.50]叔夜: (跪下白) 哦，(乙反木鱼) 镜花水月全虚假；千古薄情是野花。千金买笑招闲话；一任风摇蕊破蝶蜂侵花月芽。琵琶巷口多车马；自非生张熟魏区区三两家。今朝接客谈婚嫁；明日重来不奉茶。
[06:53.00]雪宾: (叹息白) 唉！系啰，
[06:54.00]叔夜: (白) 唉，记死人，阿爹！
[06:55.50]雪宾: (白) 分明多事，起身！唉！所谓教儿劳心力，苍霜两鬓加，
[07:10.00]叔夜: (白) 阿爹，早啲抖！好声呀，
[07:12.00]雪宾: (白) 有分数，你记住就真，唔驶你咁好心！
[07:28.00]叔夜: (疯狂扑埋拈信台口白) 嘘！正系渴病逢甘露，还魂一纸书，唔驶讲都系写生死之句㗎咯，素徽，素徽！等我把来书拆读，以慰相思之苦至得，乜信内软软如棉，如兰如麝呀吓，哦，信内有香云一股，素徽！你真系爱我情深极矣咯，哎哟，点解呢，拆开封信得一张信笺喺度，一个字都冇写落去嘿？呀？点解呢吓，点解白纸一张，只字都全无嘿吓？(反线中板一句) 敢是未解作情书，敢是难写蝇头字，白茫茫不见妙笔簪花。(自言自语白) 呀，想下又唔会㗎，素徽佢才压班姬，记得在花笺上写我楚江情一首，唔会咁快就忘书废字㗎！佢唔系唔会写字㗎，点解呢你话？吖，冇理由系咁格，点解呢你话？(续唱) 呀，莫非老苍头，佢冒替嫩花魁，骗去我黄金有价；(白) 唔会㗎，就算个老苍头想呃我嘅钱，又唔会，你睇吓，呢个信封墨迹犹鲜，明明系出自素徽手笔呀，吖，点解呢你话？素徽实在你做乜嘢㗎？素徽！你咁样俾张白纸我，点解呢？吖，你真系想死人喇！点解呢，呀！(续唱) 莫不是倩女苦相思，佢执笔忘舐墨，佢记得舐墨笔又倒拿。(白) 又唔会㗎噃，呀，就算佢心情仿佛，至多是就词不达意，书不成章嘅啫，唔会话一个字都冇㗎，真系点解呢！你话点解呢，哎！死喇！急死我喇真系，素徽呀，点解你咁紊尽㗎，俾张白纸我做乜嘢得㗎？(续唱) 莫非孙汝权，套取假情书，佢暗里牵驴换马啩；(白) 呀，又唔会㗎，若果被人换咗封信，又唔会成封信原封不动咯，而且重有香云一缕添，若果换就换晒去啦，唉，你话做乜呢？素徽，你话做乜呢？你真系激死我！想到我心都乱晒喇！真系急死人㗎，真系！素徽 (续唱) 急得我泪如新雨洒桃花，猜诗难求生杜贾，猜谜怜我欠才华。莫不是素徽厌我被严亲骂；佢故将白纸断情芽。(花) 呀，系啰系啰，梗系空书回绝我呢个痴心人，猜得我恹恹欲睡银屏下；
[13:45.00]叔夜: (唱小曲巫山一段云) 郎腰病瘦欠潇洒，冲破雾与霞，渐觉花灯照绿瓦，寻玉人别禁衙，(白) 好一座琉璃景界呀 (续唱) 惊见花荫柳下，映出玉女家，敲破玉门，诉尽情切话，小姑既一心待嫁，休要被囚误爱芽，(白) 重来相思地，待我叩门环，
[14:52.00]银簧: (白) 风风月月夜，花魁将客谢，不论是旧爱新欢，谈花债一律免赊免借，
[15:00.00]叔夜: (白) 哎呀，唔通你唔认得我呀？我就系于叔夜相公呀，同你地小姐定三生之约，系你亲眼见㗎嘛，啊！你咁快就唔记得我啰？劳烦你通报你话于叔夜相公来拜访咁话啦，
[15:27.50]银簧: (白) 绣户传娇语，于郎枉叹嗟，我家小姐从来都未认识于叔夜喎，
[15:35.00]叔夜: (白) 哎哟！唔识得于叔夜呀？真嘅？咁奇怪 (续唱) 莫非素徽佢病阻莲驾，相思玉体差，莫非梳妆怕青丝髻乱待插花，抑或怕风起，御泠雨披绛纱，郎是有意寻她，再商婚嫁，喜卜灯花，失报当心被穆娘骂，俾你买朵花，不须怕，雾夜礼物寡，拈去换银罢，揖拜小冤家，(白) 香嬛姐，呀！我唔理你识我又好，唔识我又好啦，你俾我上西楼，借杯清茶嚟饮下都得啩，
[16:49.00]银簧: (白) 欠奉呀！
[16:50.00]叔夜: (白) 欠奉呀？唉吔！唔通真系今朝接客谈婚嫁，
[16:56.00]银簧: (白) 有例是明日重来不奉茶！
[17:00.00]叔夜: (白) 素徽，素徽，
[17:03.00]素徽: (接唱) 骤见乱絮摇冷月，倒影妆阁下，几多烟花债，我如何还尽也，今朝送客相挽共话，他朝接客莫再思他，朝欢暮乐恁风摇蕊破，蝶蜂侵花月芽，偷簪鬓上花，偷抹铅华，蓦见书生好色，被夜雨打，啐归去吧，归去也，谢客牌牒已高挂，花遭蝶困添身价，
[17:53.50]叔夜: (接唱) 问你何以旧约尽忘，被弃檐下，她非往日她，冷热隔一晚便以三秋化成夏，惨炙牡丹芽，枉为姐姐相思失去风流儒雅，(加小序白) 素徽素徽，点解你忘情若此呢?
[18:24.50]素徽: (白) 啋！青楼有什么情情爱爱？(接唱) 在章台蝶恋花香，争相叫哗，并非生张孰魏区区三两家，重来旧客，未有花笺记情话，
[18:43.50]叔夜: (接唱) 狂叫穆素徽，盼能把旧约新恩向薄里查，(过序白) 素徽素徽，你快下西楼，与我两相对质，否则我撞死楼前，死难闭目呀素徽！
[19:02.50]素徽: (作状白) 如此请少待，
[19:04.00]叔夜: (白) 素徽，
[19:25.50]素徽: (冷然白) 哪！呢位相公，你几时嚟过㗎?
[19:26.50]叔夜: (白) 哎哟，死啰，我今早至嚟过，你对我讲到我有三生留诗，两载神交呢，
[19:33.50]素徽: (白) 此乃是青楼惯语，难于记取㗎！
[19:40.50]叔夜: (接唱) 今日你病起梳漱罢，窥书生弄绛纱，听到花笺载艳曲，花容渐诧，抱病留客闺阁下，
[19:58.50]素徽: (白) 哦原来是投送花笺客，唓！一纸花笺又有甚渊源？直得两相对质啫?
[20:10.50]叔夜: (接唱) 为郎度楚江情，曾共我同盟婚嫁，
[20:17.00]素徽: (接唱) 受礼茶，是勾栏中笑话，你若要娶花魁，万贯难论价，你要娶妻，应自向花间选抱琵琶，(招手叫众姬下楼介)
[20:35.00]叔夜: (叫白) 哎呀，素徽，素徽，素徽，
[21:15.50]叔夜: (续唱) 一诺千金书中有话，
[21:20.00]素徽: (笑唱) 你仍未化，真书呆也，
[21:25.00]叔夜: (接唱) 檐前誓约话非我莫嫁，
[21:29.50]素徽: (接唱) 幸勿再想乞天仙嫁，一心与君共嬉耍啫，
[21:36.00]叔夜: (接唱) 悲严亲三番责骂，
[21:40.00]素徽: (接唱) 君不见艳帜楼外挂，千金买笑受闲话，
[21:48.50]叔夜: (接唱) 哀背约寒盟心血白化，
[21:53.50]素徽: (接唱) 押落妓女家，我孽债曾欠下，
[21:58.00]叔夜: (接唱) 谁话?
[21:59.50]素徽: (接唱) 侬话！
[22:00.50]叔夜: (接唱) 三春过后，花遭劫难边个收拾，
[22:06.50]素徽: (接唱) 啋！懒管他，任一朝毁花讯也不落你太守家，
[22:15.00]叔夜: (白)　唉吔素徽，素徽
[23:06.00]叔夜: (哭叫接唱) 约负伯牙，花魁欺骗了梦霞，病折檀郎腰瘦一把，万千伤心语，融合一句话，花笺结鸳侣，缘份也，旧约定难作罢，倘若骗婚图另嫁，我便世世将你咒骂，
[24:08.50]素微: (接唱) 渐觉钗松宝髻倦，倚翠衙，懒荡那千秋架，复君一句话，薄情是野花，决难下嫁，虚度岁华，我似沧桑浪里沙，遭春风秋雨洗劫，爱恨早麻木也，
[24:48.00]叔夜: (催快接唱) 爱极变常态，不得绛仙不作罢，
[24:54.00]素微: (接唱) 花花月月顾住放走他，
[25:00.00]叔夜: (接唱) 轻舒素手捉复拿，冷月又随烟化，(叫白) 姐姐，
[25:05.50]素徽: (接唱) 残宵懒酬酢，可休要姐也妹也，疯癫可怕，
[25:12.00]叔夜: (接唱) 病挫玉郎为爱花，为续爱念追落夜台，铸千秋佳话，
[25:21.00]素徽: (接唱) 妾是镜湖花月，哪堪追逐，
[25:26.00]叔夜: (接唱) 纵桥破失足也，甘丧身花月下，
[25:31.50]素徽: (接唱) 孽孽冤冤，乞君重回梦寐查，纤影失去后，空抱月华，
[26:00.50]叔夜: (吊慢唱) 猜破花月谜，青烟遮没了裙褂，十二个罗刹天魔女，送巾逐我归去罢，
[26:28.00]雪宾: (内场哭叫白) 叔夜，叔夜，
[26:29.00]叔夜: (催快唱) 是哪个叫唤心惊诧，微觉爹爹喝骂，在云下，驾风雾好归家
[26:50.50]雪宾: (哭叫白) 叔夜，叔夜呀，阿豹，阿豹，你即刻去请包必济医师快啲嚟啦，你重要去通知宏发大师，你叫佢去苏杭寺院，许下宏愿，保佑我儿回生，快啲去啦！
[26:55.00]文豹: (白) 哦，我去嘞！
[26:59.50]包必济: (诗白) 唔！箱中一叠阎王票，好似无常探病家，唉！
[27:21.50]雪宾: (继续哀叫白) 娇儿，叔夜，(介白) 唉，阿春花呀春花，我信得过都怕灯尽油枯啰！唉，你哋相公，都怕断气多时喇，唔好讲咁多闲话啰，你即刻替我早发讣闻，速敲云板，
[27:54.00](春花敲云板三声介)
[27:54.00]必济: (大惊介台口白) 唔，弊家伙啦，听见连敲云板之声，一定于相公都曾经逝世，我错投药石，误殇人命，老大人必不肯与我干休，趁此时机则逃之夭夭，一干二净，(急下)
[28:17.50]楚楚: (口古) 哦，原来阿包大夫，包大夫，何故你神色仓惶，好似脱缰之马；
[28:25.50]必济: (口古) 唉，阿楚楚，都系我误投药石，才有于相公佢曾经去世，都错在我两碗药茶。(急下介)
[28:39.50]楚楚: (白) 吓，于叔夜相公曾经死了？哎呀！
[28:52.00]雪宾: (花下句) 风摇线断香灯灭，我丧子堪怜暮景差。我都已无子息送天年，只余老泪双眸挂；(白) 我哋阿叔夜呀！
[29:38.00]叔夜: (哭头白) 阿爹呀 (介) 爹呀，
[29:40.50]雪宾: (惊白) 吓，边个呀？你可是回生，
[29:52.50]叔夜: (扎醒手中仍拈白纸昏昏然台口唱花下句) 素笺原是香罗帕，佳人原是镜中花。(跪下而哭抱宾膝介) 八句箴言字字真，从今愿听爹爹话；
[30:12.50]雪宾: (悲咽白) 罢了娇儿，叔夜，(白榄) 儿亡父母凭床哭，几见花魁有泪凭棺洒，难捞水中月，难攀镜里花，一到五鼓明天，我共你去杭州，听候龙虎榜挂，若得独占鳌头之日，与你另选名门淑女宜室宜家
[30:54.50]叔夜: (点头唱花下句) 勘破空书凭一梦，不任陌头柳色误年华。
[31:03.50]雪宾: (白) 你经过此次之后，我相信你怕看破色空，此次你回生等于神助一样呀，切勿忘记，你去到杭州之后呀，你最紧要找寻虚云大师，酬答神恩呀，
[31:26.00]叔夜: (白) 孩儿遵从严命，
[31:28.00]雪宾: (白) 好，紧记！　
[31:30.00]