| | [ti:乞屍]
|
| | [ar:任劍輝 白雪仙]
|
| | [al:帝女花]
|
| | [au:唐滌生]
|
| | [by:operawillis@gmail.com]
|
| |
|
| [00:00.00] |
|
| [00:00.00] | 帝女花
|
| [00:00.00] | 第三場 乞屍
|
| [00:00.00] | 任劍輝 白雪仙演唱
|
| [00:00.00] | 唐滌生撰曲
|
| [00:00.00] |
|
| [00:26.00] | (十日後，周寶倫在桃苑中上唱中板) 烽煙驚破，繁華夢；何堪名利，兩皆空。若有機緣，定必求新寵；所謂識時務者，方是大英雄。
|
| [01:03.00] | (滾花) 酒千盅，未可解千愁，一念間，可博來新祿俸；
|
| [01:19.00] | (白) 自從長平公主由我阿爹覆以錦茵，抱歸桃苑，五日來悉心調治，公主傷勢新愈，與二妹瑞蘭養靜於小樓之上，我何不借重帝女，獻媚新朝，不難博得高官厚祿。
|
| [01:58.00] | (周鍾無精打彩上唱長滾花下句) 急煞老年人，靜極頻思動，劫後榮華如一夢，不愁國破，恨家窮，終日鑽營新面孔，怎奈晉身門路未能通。唉，安得一朝獨占鄧山銅，時來位列三台重；
|
| [02:44.00] | (寶倫一見周鍾上前白) 阿爹你來得正好，孩兒有好消息奉告。
|
| [02:52.00] | (周鍾白) 有乜嘢好消息呀？
|
| [02:55.00] | (瑞蘭卸上偷聽白) 唔，阿爹同阿哥鬼鬼祟祟細聲斟酌，都唔知講乜嘢，等我偷聽嚇至得。
|
| [03:12.00] | (寶倫唱滾花下句) 明太子今已為臣虜，清霸主旦夕可稱雄。昌齡早巳暗降清 (一才) 佢知會孩兒投向新朝用；
|
| [03:40.00] | (周鍾白) 唉！
|
| [03:48.00] | (滾花下句) 往日金銀堆滿屋，劫後只餘兩袖風。欲求獻媚向新朝，羅掘也難供進貢；
|
| [04:10.00] | (寶倫白) 阿爹，你有所不知，孩兒欲借重一人，尤胜黃金十萬，你知否獻寶不求和氏璧，只憑帝女便可求封。
|
| [04:29.00] | (瑞蘭白) 唔得叻，我要去話畀公主聽至得。
|
| [04:34.00] | (周鍾亦食住執寶倫快白欖) 你講系唔係前朝個一朵帝女花。
|
| [04:40.00] | (寶倫接白欖) 此時價值千斤重。
|
| [04:46.00] | (周鍾接白欖) 佢纖纖弱質重有乜作為。
|
| [04:50.00] | (寶倫接白欖) 帝主得之有大用。
|
| [04:54.00] | (周鍾接白欖) 莫非佢借她作正義旗。
|
| [04:58.00] | (寶倫接白欖) 個中玄妙誰能懂。
|
| [05:03.00] | (周鍾接白欖) 賣之誠恐負舊朝，
|
| [05:08.00] | (寶倫接白欖) 不賣如何有新祿俸。
|
| [05:23.00] | (周鍾點頭介滾花下句) 我地茶飯三餐無百味，帝女還應再從龍。不是忘恩是報恩，事關一角小樓難棲鳳；
|
| [05:51.00] | (寶倫唱滾花下句) 父子入城暗把昌齡訪，趁此天昏地闇雪溶溶。不如打轎入皇城，為怕馬蹄積雪湧；
|
| [06:14.00] | (暍白) 打轎。(張千喝打轎介) (轎夫分邊上，鍾、倫打轎下介) (張千隨下介)
|
| [06:37.00] | (長平拉瑞蘭台口悲嚥口古) 瑞蘭，我感激你待我熨貼之恩，更感激你待我情如姊妹，我求你借我三尺紅羅，等我完咗呢個未完嘅責任，瑞蘭，試問前朝帝女，何堪供你父兄作買官之用；(痛哭介)
|
| [07:11.00] | (瑞蘭亦悲憤口古) 公主，我不值兄長所為，更不值我爹爹盲從附會，難得公主你五日復生，又何必要一朝重死，我阿爹佢咁樣做法，真係神鬼難容。
|
| [07:30.00] | (長平口古) 瑞蘭。我唔死又點得呢。我真係心悔我當時不死於乾清，今日再作囚籠之鳳；
|
| [07:44.00] | (欲撞樹而死，瑞蘭食住攔介悲嚥口古) 公主，公主。你何必要咁樣呢？我瑞蘭決不讓父兄將你無情出賣，你畀個時候我想嚇啦，若果真係想唔通嘅，我寧願以身相從。
|
| [08:05.00] | (銀鈴帶老道姑從桃苑上介白) 二小姐，維摩庵個師太嚟揾你呀，我都攔住度門嘅叻，點知俾佢撞咗入嚟，佢話二小姐你係佢庵堂長年施主，熟不拘禮嗰。
|
| [08:18.00] | (老道姑悲咽白) 瑞蘭二小姐，因為賊兵入城嘅時候，阿慧清道姑佢就受驚成病，所以佢叫我扶佢到來，求你施捨啊，點不知嚟到橫門處，不幸佢就氣絕身亡，我想求阿二小姐你，施捨一副薄棺，將她殮葬。
|
| [08:47.00] | (瑞蘭白) 慧清死咗？
|
| [08:50.00] | (長平聞語慢的的計從心生介白) 慧清道姑死咗，瑞蘭，你過來嚟。
|
| [09:01.00] | (拉蘭另場唱滾花下句) 既未容一死我求避世，希望桃僵李代脫牢籠。常言換柱可偷梁，接木栘花猶可種；
|
| [09:29.00] | (白) 瑞蘭，我嘅意思你明白未呀？
|
| [09:35.00] | (瑞蘭愕然而醒點頭兼細聲白) 系噃，我明白叻。銀鈴你番出去先，
|
| [09:46.00] | (銀鈴卸下介) 師太，我問聲你叻，咁你知唔知維摩庵是誰人所建？
|
| [09:54.00] | (老道姑合什白) 小姐，維麾庵是前朝週皇后所建……可憐週皇后在城破之日……已經……(哭泣介)
|
| [10:06.00] | (瑞蘭白) 師太，到呢個時候我都唔怕坦白同你講叻，呢，個便個一位就係週皇后之女長平公主叻，倘公主有危難之處，師太，你可能方便？
|
| [10:26.00] | (老姑姑連隨向長平跪下悲咽白) 貧道叩見公主，我願粉身要報答皇后恩德。
|
| [10:33.00] | (長平悲咽白) 師太，
|
| [10:42.00] | (滾花下句) 泉台未啟思親路，罰我人間再飄蓬。欲向觀音借避彩蓮花，免在凡塵受天播弄；
|
| [11:09.00] | (老姑姑誤會長平欲削髮大驚搖手白) 公主唔得㗎，你是一個玉葉金枝，豈能在庵堂受苦，貧道……
|
| [11:18.00] | (瑞蘭拉老姑姑作神秘細聲白) 師太……公主今日就係有難臨門，我想……(向老姑姑咬耳介)
|
| [11:26.00] | (老姑姑一路聽一路點頭答應介)
|
| [11:32.00] | (瑞蘭口古) 公主，你快的同師太走啦，你記住，維摩庵後十里外有一間紫玉山房，是我亡母生前靜養之所，我自會隱居山房，將公主你暗中侍奉；
|
| [11:51.00] | (長平感激介口古) 瑞蘭，我願與你八拜金蘭，報答你今時情義，除咗你之外，我都唔願再與呢個俗世人間有相逢。
|
| [12:11.00] | (老姑姑急白) 公主，係就好去啦，唔得唔得，不過咁噃，人死咗就一滴血都冇嘅囉噃，二小姐，你屋企有無貓貓狗狗養到呀？
|
| [12:25.00] | (瑞蘭白) 有呀。
|
| [12:26.00] | (老姑姑白) 有就有辦法叻，快的跟我入嚟先啦。(同下介)
|
| [12:50.00] | (張千、轎夫、周鍾、寶倫打轎上。周鍾唱滾花下句) 我並非有心忘先帝，不過一來為弟子，二者為臣工。俾我三言兩語扭乾坤，一諾攀回金粉夢；
|
| [13:15.00] | (寶倫唱滾花下句) 昌齡縱肯傳消息，也需一頭半月始能通。繁華有夢可垂成，莫洩玄機驚彩鳳；
|
| [13:38.00] | (瑞蘭一路狂哭手拈血書一紙從苑門上口古) 唉吔爹，長平公主已經毀容自殺於經堂之上叻，佢留下一紙血書，寫得非常沉痛；
|
| [14:00.00] | (周鍾大驚搶血書讀介口古) 驚聞樓下語，屍橫血泊中，望屍沉江海，存貞自毀容。
|
| [14:10.00] | (白) 徽妮絕筆。唉，呢個繁華夢都未發得就成個醒咗叻，張千，你快的人去命幾個心腹家丁將公主嘅屍骸裹以綾羅，以大石墜沉海底去吧。
|
| [14:32.00] | (張千白) 是是是。(下介)
|
| [14:44.00] | (世顯上瘋狂唱快滾花下句) 乞取艷屍尋週府，可憐十室九皆空。賊兵塞斷帝皇城，十日才離狼虎洞；
|
| [14:58.00] | (哭求白) 大哥你方便嚇啦大哥，我揾周世伯，周世伯，周世伯。
|
| [15:04.00] | (周鍾暍白) 園外何人哭叫？
|
| [15:07.00] | (王祥報白) 啟禀老爺，門外有瘋癲漢子欲沖門而進。
|
| [15:12.00] | (周鍾喝白) 你把他帶進來。(王祥放手，世顯衝入介，周鍾重一才大驚，慢的的退後介)
|
| [15:17.00] | (世顯哭叫白) 周世伯，
|
| [15:19.00] | (悲嚥口古) 周世伯，因為十日兵困皇城，我今日至到嚟揾你咋，我知道公主嘅屍骸俾你抱咗番嚟，究竟你安葬響邊度，你話我知啦，我要取回桐棺，開墳掘塚；
|
| [16:00.00] | (周鍾口古) 世顯你嚟遲咗叻，無錯，你聽我講啦，公主係就系死而復生，(一才) 但係又生而復死噃，(一才) 我萬不能被世人知道公主死因嘅，唉，總之就係死咗叻，你何必問底查踪。
|
| [16:08.00] | (世顯口古) 世伯，我都唔知你講乜嘢，又話死而復生，生而復死，你究竟講乜㗎，你快的畀番個屍骸我，好待我把香煙供奉；
|
| [16:24.00] | (周鍾口古) 唉，世顯，第二個死咗都重有屍首可尋，公主死咗已經不留痕跡，佢有一封遺書寫落，
|
| [16:42.00] | (一才另場白) 咦呢開頭個兩句，萬不能俾佢過目嘅，等我撕咗一半先，
|
| [16:47.00] | (對世顯介) 嗱，我依照佢遺書十個字，已經將佢個屍骸葬落江海之中。
|
| [16:59.00] | (世顯接遺書重一才沉痛讀白) 望屍沉海底，存貞自毀容。徽妮絕筆。(哭相思介)
|
| [17:20.00] | (乙反中板下句) 傲骨未成灰，明珠已沉江海，恨無路求張羽，煮海再相逢。宋玉楚江悲，血花磨墨賦招魂，怕哭斷九迴腸，難覓泉台鳳；巢覆卵無存，國破家何在，生離愁疊疊，死別恨重重。
|
| [18:18.00] | (滾花) 我願能殉國更殉情，取義更酬鶼鰈夢；(欲撞樹死介)
|
| [18:29.00] | (寶倫，瑞蘭分邊攔住介)
|
| [18:31.00] | (寶倫口古) 周世顯，你殉情還殉情，你何必死在桃苑之中，令我父子受世人譏諷；
|
| [18:42.00] | (瑞蘭口古) 駙馬爺，你唔死得嘅，想先帝遺骸尚停放在茶庵之內，倘若駙馬死後，又有誰哭祭呢？何況有情生死能相會，無情對面不相逢。
|
| [19:01.00] | (周鍾白) 瑞蘭，你行開，同佢講咁多做乜嘢得㗎，乜你地死親都走人嚟我度死㗎，呢度死慣人嘅咩，張千送客，(暗作驅逐狀介)
|
| [19:12.00] | (張千應命將世顯推下介)
|
| [19:19.00] | (瑞蘭口古) 阿爹，我唔想響呢處住叻，我想搬去紫玉山房，遠避紅塵，清廉自奉；
|
| [19:30.00] | (周鍾晦氣白) 唉吔，有毛有翼咯，去啦，你一生脾氣都衰到冇人同嘅。
|
| [19:43.00] | (寶倫嘆息唱滾花下句) 傷心碎了連城璧，更無餘術可攀龍。(同下介)
|
| [19:54.50] |
|