| [ti:庵遇]
|
| [ar:任劍輝 白雪仙]
|
| [al:帝女花]
|
| [au:唐滌生]
|
| [by:operawillis@gmail.com]
|
|
|
[00:00.00] |
|
[00:00.00] | 帝女花
|
[00:00.00] | 第四場 庵遇
|
[00:00.00] | 任劍輝 白雪仙演唱
|
[00:00.00] | 唐滌生撰曲
|
[00:00.00] |
|
[00:18.00] | (長平道姑身挽舊破竹籃,背塵拂上介起小曲雪中燕) 孤清清,路靜靜,呢朵劫後帝女花,怎能受斜雪風淒勁,滄桑一載裡,餐風雨,續我殘餘命,鴛鴦劫後此生更不復染傷春症,心好似月掛銀河靜,身好似夜鬼誰能認,劫後弄玉怕簫聲,說甚麼連理能同命
|
[01:54.00] | (反線二王祭塔腔) 念國亡父崩母縊妹夭弟離,剩我借一死避世敲經,孰憐駙馬空枉有誓盟訂,怕憶劫後情,谁愿再認,只有飄飄落葉伴殘命,一哭國土血尚腥,再哭父死未得葬皇陵,奈何佛法難護庇唉枉敲青磬
|
[03:27.00] | (音樂過序介) (續唱反線二王) 哀帝女念盡阿彌,難把國魂,喚醒;
|
[04:10.00] | (白) 老姑姑都已經在月前死去,呢個新嚟嘅主持但都未識得帝女花飄,更未解憐香惜玉,當此快雪初晴,便命我把山柴拾取,唉,
|
[04:41.00] | (詩白) 正是不求樂昌圓破鏡,只憑魂夢哭皇陵。(黯然下介)
|
[05:10.00] | (世顯上介慢板下句) 我飄零猶似斷蓬船,慘淡更如無家犬,哭此日山河易主,痛先帝白練無情。歌罷酒筵空,夢斷巫山鳳,雪膚花貌化遊魂,玉砌珠簾皆血影;幸有涕淚哭茶庵,愧無青塚祭芳魂,落花已隨波浪去,不復有粉剩脂零。
|
[07:51.00] | (起小曲寄生草) 冷冷雪蝶臨梅嶺,曲中弦斷香銷劫后城,此日紅閣有誰個悼崇禎,我燈昏夢醒哭祭茶亭,釵分玉碎想殉身歸幽冥,帝后遺骸谁愿領,碧血積荒徑,
|
[08:43.00] | (長平經已取得少許山柴,食住從殘橋上介接唱) 雪中燕已是埋名和換姓,今生長願拜觀音掃銀瓶 (並不看見世顯直入維摩庵並掩門介)
|
[09:04.00] | (世顯覺得道姑酷似公主白) 哎吔,點解呢個道姑咁似長平公主呢嚇,莫不是公主佢幽魂現眼?
|
[09:16.00] | (介白) 唔會嘅,就算系公主幽魂現眼,都唔會系道姑打扮,(介白) 莫不是公主佢假託夭亡避世,尚在人間,呀,我記得叻,我記得公主夭亡之日,是我殉愛之時,周家瑞蘭佢曾經有一句相關說話,佢話,有緣生死能相會,無情對面不相逢,呀,莫不是有蹺蹊在內,唔得,等我扣門一問至得,呀,呢處系清蓮界庵堂地,我要稍存禮貌,都未敢造次。
|
[10:07.00] | (斯斯文文上前敲門介白) 師傅,開門
|
[10:10.00] | (長平拈拂塵開門介,重一才慢的的,先鋒鈸复掩門介)
|
[10:12.00] | (世顯白) 唉吔,點解佢閉門不納,事更可疑,待我衝門而進至得。(叫門介)
|
[10:29.00] | (長平突然開門,非常淡定,一路行前,世顯見突然其來,反覺驚異,逐步退後)
|
[10:29.00] | (長平冷然問白) 請問呢位施主衝門,是藉茶還是拜佛?
|
[10:38.00] | (世顯白) 師傅,我一不是藉茶,二不是拜佛,我有句說話,想求師傅你點化啫,你何以閉門不納呢?
|
[10:50.00] | (長平白) 庵內無人,主持未返,俗世男女都尚且授受不親,又何況佛門清淨地。
|
[11:01.00] | (世顯白) 如此,師傅有禮。
|
[11:03.00] | (一揖、長平還揖介白) 施主有禮。
|
[11:05.00] | (世顯苦笑口古) 師傅,你係一個出家人,容我問一句塵俗話,所謂劫火餘生,恍如隔世,雖則難記興亡事,花月總留痕……我……我同阿道姑好似曾相識,望你把前塵細認;
|
[11:26.00] | (長平故作驚羞狀口古) 施主,想貧道半世清修都未經劫火,世外人十年來都只知敲經念佛,幾曾沾染俗世風情。
|
[11:41.00] | (世顯口古) 師傅,你係出家人講清修,我地俗世人講俗話,所以俗語都有話,山居方一日,世上已千年,你所謂十載敲經,莫不是比如一年念佛咋啩,照我睇阿道姑你,你守戒清修,最多不過系一年光景;
|
[12:02.00] | (長平口古) 唉吔,施主,照我睇你係一個讀書人,似乎的說話唔應該講得咁輕薄噃,貧道入庵十年都尚有主持可證,呀,須知不是可憐人,都不入清規地,既入清規地,出語寧有不誠呢。
|
[12:28.00] | (世顯黯然嘆息悲嚥口古) 唉,師傅,我不是傷心人,都不作傷心語,既是傷心人,才有錯把曇花當作宮花認啫;
|
[12:40.00] | (長平見狀略不忍介口古) 哦,施主,原來你唔係一個輕薄兒,卻是一個滄桑客,好啦,等我番入去代你燒多柱香,望觀音大士佢慈航普渡,保佑你福壽康寧。
|
[12:58.00] | (世顯故意口古) 咁多謝叻,呀,師傅,我應該長拜佛門慈悲嘅,一問道姑你貴姓呀;
|
[13:09.00] | (長平還揖介口古) 嘢……,貧道俗身姓沈,法號慧清。
|
[13:28.00] | (世顯起唱古譜秋江哭別) (板面) 飄渺間往事如夢情難認,百劫重逢緣何埋舊姓,夫妻斷了情,唉鴛鴦已定,烽煙已靖,我偷偷相試佢未吐真情令我驚,
|
[14:10.00] | (長平接唱) 唉天折紅顏命,我願棄凡塵,伴紅魚和青磬,敲經斷俗世情,雖則烽煙已靖,須知罡風也勁,守身應要避世,休談愛戀經,
|
[14:55.00] | (世顯於長平唱曲時細心察看她,越看越似介,台口,接唱頭段) 論理佢應該把夫婿認,複合了偷偷暗中喚句卿卿,
|
[15:15.00] | (托序細聲叫白) 唉,徽妮,公主。
|
[15:20.00] | (長平詐作愕然介白) 唉吔,施主你叫喚何人?
|
[15:24.00] | (世顯白) 我叫喚公主。
|
[15:27.00] | (長平白) 公主系施主何人?
|
[15:29.00] | (世顯白) 喚,公主系我個妻房。
|
[15:31.00] | (長平白) 嚇,施主你叫喚妻房,應該在家中叫,房中叫。何解會叫到嚟佛門清靜地嘅呢。
|
[15:46.00] | (接唱二段) 俗世塵緣事我唔願聽,你莫尋偶清規地,將觀音兩番誤作湘卿,你似瘋癲,我不禁失驚,暗中念句經,我今已將剃度半生夢已醒,勸君休錯認,我才十歲,經棲身皈依佛法一心拜神靈,
|
[16:52.00] | (世顯食住序台口白) 嚇,乜你咁忍心真係唔肯認我,試問誰無骨肉之親,誰無父女之情呢。等我講嚇先帝崇禎嘅慘事,若果佢喊親呢,不問而知就梗系公主叻,等我試嚇你至得。
|
[17:11.00] | (接唱三段) 我複向前朝認,嘆崇禎巢破家傾,你可有為佢沉痛沉痛敲經,靈臺裡,嘆孤清,月照泉台靜,一對蠟燭也無人奉敬,
|
[18:16.00] | (長平失聲痛哭介)
|
[18:17.00] | (世顯白) 唉吔!師傅,乜你喊呀,呀,唔通你就係公主。
|
[18:22.00] | (長平愕然不知所答介) (白) 施主,你錯咯,皇帝係為我地而死嘅,試問我地又點可以唔喊呢。
|
[18:34.00] | (悲咽接唱四段) 我哭故國凋零,問誰個能忘佢自縊在紅閣,謝民愛甘犧牲性命,感先帝哭絕了聲,
|
[19:13.00] | (世顯接唱) 深宮裡有朵帝女花,佢嘅慘處你可再願細聽,
|
[19:28.00] | (長平接唱) 帝女花已遭劫難我不願再聽,怕荒山冷靜,谁愿與君孤單相對,犯了清規玷辱了名,
|
[19:56.00] | (序白) 施主,我都知道你係一個傷心人,但可惜呢處晤系傷心地,恕貧道不能奉陪,我告退叻,阿彌陀佛。(欲下介)
|
[20:08.00] | (世顯搶住叫白) 唉吔,師傅你唔好行住,我想求嚇你。
|
[20:14.00] | (接唱五段) 你帶我去燒香懺嚇舊情,(欲入庵介)
|
[20:28.00] | (長平以塵拂攔住接唱) 仙庵寶殿多清淨,不要凡人妄敲經,莫忘形,勸君勸君再莫染情狂病,更未許再留停
|
[21:13.00] | (世顯白) 師傅,要你帶我入去燒炷香你都話唔肯,你唔帶我我自己去。(向庵一沖二衝三衝介)
|
[21:26.00] | (秦道姑食住卸上見狀奇介問白) 慧清,做乜嘢事呀。
|
[21:28.00] | (長平愕然不知所答介)
|
[21:30.00] | (世顯口古) 師太,我聞得維摩庵菩薩好靈嘅,我想入去拜嚇觀音,點知呢位師傅唔准我把清香奉敬;(用眼色向長平示意介)
|
[21:39.00] | (秦道姑口古) 慧清,乜你咁㗎,唉,所謂亂世庵堂,幾難得有位施主到嚟簽助嚇,若果再冇人嚟,我地去邊處揾燈油火蠟敬奉神靈。
|
[21:55.00] | (長平口古) 師太,你唔好聽佢講呀,我正話開門嘅時候,呢位施主佢聲明一不是藉茶,二不是拜佛,咁既然唔借茶拜佛,我地點可以將人地嘅香油簽領;
|
[22:11.00] | (秦道姑口古) 慧清,開講都有話入屋叫人,入廟拜神,人地唔拜神入廟嚟做乜嘢呀,你要招呼人入去,人地唔多唔少都有的簽助嚇嘅,唔怕善財難捨,只怕菩薩唔靈。
|
[22:33.00] | (白) 施主,我重要去第二處打掃,恕我不能奉陪叻,慧清你帶施主入去啦。
|
[22:44.00] | (長平白) 如此說,施主請。(合什半揖介)
|
[22:49.00] | (世顯作得意狀介白) 敢煩引路。(長平與道姑先入庵門介)
|
[22:52.00] | (張千上,見道姑,認得是公主愕然大驚,連隨閃埋梅樹後窺看介白) 哦,原來公主未死㗎,等我番去話畀老爺聽至得叻。(急下介)
|
[22:56.50] |
|