切换到简体
00:00
 [ti:相認]
 [ar:任劍輝 白雪仙]
 [al:帝女花]
 [au:唐滌生]
 [by:operawillis@gmail.com]
  
[00:00.00] 
[00:00.00]帝女花
[00:00.00]第五場 相認
[00:00.00]任劍輝 白雪仙演唱
[00:00.00]唐滌生撰曲
[00:00.00] 
[00:03.00](世顯白) 師傅，我雖然未入過庵堂，但我一望而知呢座梗系觀音大士叻，點解觀音大士蓮座之下，有一男一女呢。
[00:16.00](長平知世顯明知故問冷然白) 唉，一個係金童，一個系玉女。
[00:20.00](世顯詐懵介白) 哦，一個係金童。(指一指自己介白) 一個系玉女 (指一指長平介白) 師傅，咁系唔係自有觀音以來，就有金童玉女永不分離。
[00:33.00](長平點頭介白) 系。
[00:35.00](世顯白) 哦，師傅，咁點解一自皇城劫後，只留番一個金童，唔見咗個玉女呢。
[00:44.00](長平白) 出家人不明塵世事，施主請上香。
[00:55.00](世顯悲咽起唱秋江哭別六段) 觀音座下亦有對同命鳥，悲鳳去樓空，只剩得我情未罄，向觀音哭泣，獨吊離鸞影，盼為我顯靈性，
[01:42.00](向觀音跪下回頭序白) 師傅，觀音系唔係好靈㗎。
[01:46.00](長平點頭介白) 係呀。
[01:48.00](世顯哭介白) 唉，觀音菩薩，大慈大悲，你救苦救難，若果我能夠與公主團圓，我真係答謝神恩。
[01:56.00](長平一路聽一路啾咽，忍不住另場接唱七段) 唉，佢太癡情，(欲認介) 悲婚姻難成，斷碎龍鳳配，被戰火毀碎了三生證，今生不再貪花月情，天生宮花薄命，怕認怕認，寸心寸心碎盡已無餘剩，更未許有餘情，
[03:03.00](世顯悲咽白) 師傅，舊時有一個樂昌公主共個徐駙馬都可以破鏡重圓，我又係駙馬，人又係駙馬，點解人地咁夠福，我咁衰呢。
[03:16.00](長平白) 嘢，我點知呢。
[03:21.00](世顯接唱八段) 唉樂昌於昔日尚可破鏡重明，樂昌釵分後尚與駙馬重認，哀我一生一世寂寞，虛有其名，夢難成，債難清，
[03:59.00](長平接唱) 休再感慨那釵分複合，泣怨聲聲，羞聽羞聽，我不禁淚暗凝，
[04:15.00](世顯白) 師傅，你呃我嘅。
[04:18.00](長平白) 我呃你乜嘢呀。
[04:20.00](世顯悲憤白) 你話觀音菩薩好靈嘅，我話佢一的都唔靈。
[04:24.00](接唱九段) 罵聲觀音昏憒，你有千眼都唔靈，好夫妻一朝相會，你怎不負責調停，枉燒香敲經將你侍奉，枉她錯念經，我將那香燭一切盡折斷，免我屈氣難平，罵神罵靈，
[05:05.00](長平執住香悲咽的接唱) 咪玷辱觀音，只怨你今世不配有駙馬名，
[05:17.00](世顯接唱) 遭百劫也留形，我為花迷還未醒，
[05:26.00](長平接唱) 唉帝花嬌不比柳花青，我身世自幼孤單似浮萍，
[05:34.00](世顯接唱) 你從前多纖瘦，一般秋水也含情，
[05:43.00](長平接唱) 對紅魚敲青磬，我餐餐都食銀芽和白菜，怎能與宮花相比並，
[05:56.00](世顯接唱) 莫再不相認，只怕我別後你病染相思症，情何堪，你在此孤零，應感我熱誠，
[06:13.00](長平接唱) 你枉對修女亂說情，
[06:17.00](世顯接唱) 唏，你太不近人情，
[06:21.00](長平接唱) 我話你至不近人情，
[06:24.00](調慢唱) 盼狂生你重把婚盟聘，歸去歸去，我一片好心，代替觀音點破你愚情，
[06:45.00](秦道姑卸上，在門角偷聽介)
[06:48.00](世顯跪在神前接唱秋江別中板) 哭江山破，夢覺繁榮，鴛鴦劫，玉女逃情，寧以身殉搏後評，我寧以身殉不對玉女再求情 (欲自殺介)
[07:01.00](長平急阻止白) 唉，駙馬爺，駙馬爺。
[07:04.00](世顯白) 呀，公主你認我叻咩。
[07:07.00](長平淒楚欲絕介長滾花下句) 唉，郎有千斤愛，妾餘三分命，不認不認還須認，遁情畢竟更癡情，倘若劫後鴛鴦重合併，點對得住杜鵑啼遍十三陵。君父賜我別塵寰，我若再回生，豈不是招人話柄；
[08:21.00](世顯於長平唱時，慢慢起身，驚喜交集行埋介，痛哭一聲介白) 唉，公主。 (跪介)
[08:27.00](乙反中板下句) 貯淚已一年，封存三百日，盡在今時放，泣訴別離情。昭仁劫後血痕鮮，可憐夢覺剩空筵，空悼落花，不見如花影；難招紫玉魂，難隨黃鶴去，估不到維摩觀，便是你駐香庭。(七字清) 避世情難長孤另；輕寒夜擁夢難醒。往日翠擁珠圍千人敬；今日更無一個可叮嚀。
[09:51.00](滾花) 唉官主你避世難拋破鏡緣，應該要多謝情天，快把夫郎認；(跪向長平痛哭介)
[10:12.00](長平亦跪下哭擁世顯介，起唱相思詞引子) 風雨劫後情，落拓君須聽
[10:27.00](乙反中板下句) 山殘水剩痛興亡，劫後重逢悲聚散，有夢迴故苑，無淚哭餘情。雨後帝花飄，我不死無以對先皇，偷生更難謝黎民百姓；不孝已難容，欺世更無可恕，我雖生人世上，但鬼錄已登名。
[12:06.00](正線滾花) 你何苦挑動我破碎情懷，至令我沉淪孽境；
[12:24.00](世顯悲咽白) 公主，
[12:28.00](滾花下句) 你清修縱可成仙佛，可憐先帝桐棺尚未得入葬皇陵。紅魚只可敲出斷腸音，難把破碎山河重修整；
[12:46.00](長平白) 系噃。
[12:48.00](世顯白) 你想嚇啦。
[12:53.00](長平唱滾花下句) 對一載青燈和黃卷，到此方知劫後情。觀音懶得拾殘棋，孝女未應長養靜；
[13:14.00](世顯搖撼長平白) 公主，咁你同我誃啦。
[13:17.00](長平羞怯，張惶猶豫未決介)
[13:19.00](內場眾家丁尋人嘈雜聲介)
[13:21.00](長平愕然驚慌推開世顯介白) 哎吔，點解會咁嘈呢？
[13:28.00](口古) 駙馬爺，我要走咯，我俾你揭破我嘅廬山真面目之後，我都不能再在此立足嘅叻，我而家誃叻。唉，你萬不能與我同行嘅，你原諒嚇我嘅淒涼環境；
[13:43.00](世顯口古) 公主，我地劫後相逢，真係恍如隔世，我點都唔離開你，我地死就同埋死，生就同埋生，我生死都唔怕，哪怕草木皆兵。
[14:03.00](長平口古) 唉，所謂萬劫總有停息之日，但孽海永無靜止之時，唉，駙馬爺，我求嚇你，我真係求你唔好與我步出庵堂，好啦，若果你係想破鏡重圓嘅，咁今晚二更，你就去庵堂後十里外個一間紫玉山房，咁都或可把舊盟再認；
[14:42.00](聞嘈雜聲哀懇白) 放手啦。
[14:44.00](世顯口古) 公主，你千祈唔好呃我，你真係等我叻，我都唔知流盡幾多眼淚，至搏得你一口應承。
[14:56.00](長平走幾步再回頭口古) 哎吔，駙馬，你記住，你記住萬不能向任何人吐露公主重生，唉，我……我怕會再身臨陷阱；
[15:10.00](世顯快口古) 此事又何勞吩咐，公主你真係睇小我太不聰明。
[15:15.00](人嘈雜聲介)
[15:17.00](長平白) 有人嚟叻，我由個邊走叻。(衣邊下介)
[15:23.00](世顯坐於蒲團上強作悠閒合什介)
[15:24.00](周鍾一路吟沉，張千，家丁衣邊同上介)
[15:28.00](周鍾吟沉韻白) 張千，張千，到底呢種真消息呀，抑或假消息，常言道人死已無聲，提到帝女回生我就心戚戚，又唔係清明，又唔係寒食，借屍還魂事未真，庵堂哪有鬼堆積，我富貴不能忘，對公主長相憶，張千乎張千，你有無認錯人，抑或睇錯色。
[16:03.00](張千應韻白) 老爺，的而且確，確而且的。
[16:07.00](周鍾愕然接韻白) 於是乎搜查嚇，落真嚇眼力
[16:13.00](張千白) 揾嚇啦，揾嚇啦
[16:16.00](周鍾見世顯，世顯張目見周鍾，憶念舊情，淡然相對介白) 哦，張千呀，邊處有公主響度呢，呢，原來阿世顯響處，世顯，世顯呀，我嚟呀，公主是否死後回生，尚在庵堂。
[16:41.00](世顯冷笑幾聲，不啾不睬，合什介)
[16:46.00](周鍾大怒打張千埋怨白) 張千，嚟，一日都係你個奴才，至有令到我俾人冷笑，世間上哪有死後回生之理，端椅。(介)
[17:08.00](世顯朗聲念觀音經介)
[17:11.00](周鍾憤然白) 嘿，世顯。
[17:18.00](滾花下句) 睇你眼底已無周世伯，你只識得口中長念觀音經。
[17:30.00](插白) 你都係無福咯。
[17:32.00](續唱) 你若還有福尚可享榮華，駛乜在窮途尚帶一身病；
[17:46.00](世顯嘻笑介白) 老先生，人各有志，你管得我幾多呀。
[17:55.00](滾花下句) 我愛寶庵清靜能養性，遊罷歸來學誦經。晨鐘猶可覺迷途，暮鼓也能驚夢醒；
[18:14.00](周鍾怒介口古) 呸！你駛乜自認清高呀，你嘅一行一動都瞞唔過我呢對昏花老眼。張千話睇住你一路追住一個傅仔入嚟呢間庵堂嘅叻，我明白，你慌你唔係成日響個的傅仔身上打主意咩，嘿，你記唔記得當年響乾清殿對住公主點講呀，又話公主呀公主，你愛我，我都愛你，又話在天願為此翼鳥，在地願為枝連理，生同生，死同死，如果你死先，我就猛刀拮大脾喇咁，嚇，點不知公主一死咗，白骨都未寒，言猶在耳，公主而家一旦唔響處啫，你就竟然做出呢種荒唐嘅行徑；
[19:21.00](世顯滋油介口古) 老先生，你莊重啲噃，公主響處亦一樣，唔響處亦一樣，我共你都係先朝遺臣，你慌重有日子重複繁榮咩。
[19:34.00](周鍾憤然白) 假如公主而家重響處嘅，又點同呢蠢才，唔提起公主猶自可，一提起公主我就傷心到講都講唔出，不如唱幾句你聽重好過叻。
[19:53.00](禿頭中板下句) 逆天行道者是庸才，識時務者為俊傑，誰不願复享繁榮。清帝素慈悲，為撫慰明末遺臣，常以帝女花為話柄；記得在一年前，紫禁城破日，佢曾有密詔，囑咐沈昌齡。佢偵悉帝女在吾家，佢話若得劫後明珠，當不忍佢沉淪於絕境；回复帝女嬌，重配周駙馬，更封我一品尚書名。
[21:26.00](催快) 夢見繁華谁愿醒；卻被香銷玉殞化為零。恨不能追落陰司向閻王請；為求官祿，乞點再生情。
[21:48.00](滾花) 我哭一句著手成空，唉，什麼玉宇瓊樓皆幻影；
[22:17.00](世顯白) 老先生你唔好喊叻，所謂有福依然在，無福莫強求，你同我都係冇福嘅咯，重講咁多做乜嘢呀。
[22:28.00](秦道姑食住此介口衣邊卸上白) 阿彌陀佛，等我出去睇嚇做乜嘢至得。
[22:35.00](周鍾白) 阿顯，我同你又點同，你睇嚇你呀，兩顴低削，成個樣削瀉嘅，乜嘢都瀉曬落去啦，冇福冇福，我就唔同咯，我擺出成個都係有福之人，俾你咁拖累就唔抵啦，張千，你個奴才，我早就唔信一個人有死後回生之說，你究竟響邊處見過公主呀，呢間庵堂有冇公主喺處，就係除咗呢只咁個鴨撲老道姑之外，重有幾多個弱質娉婷呢。
[23:25.00](張千白) 老爺，我正話響殘橋之上，親見見到呢位師父同埋阿公主一齊入庵堂門口嘅。
[23:35.00](周鍾白) 真嘅。
[23:37.00](秦道姑台口白) 哦，現在我明白叻，原來慧清就係先朝的公主，怪不得我在十年前到嚟維摩庵與我十年之後再到來維摩庵見慧清，都完全唔同樣，莫非老姑姑佢移花接木，唉吔，我錯咯，我怠慢公主，我刻薄公主，我要在觀音菩薩面前請罪，請佢恕我不知之罪咯觀音菩薩。
[24:20.00](周鍾硬著頭皮上前拜白) 世顯，我呢趟要求你，你有福噃。
[24:26.00](世顯白) 噥，我哋無福嘅，兩顴低削，睇我個相，成個都瀉曬嘅。
[24:35.00](周鍾白) 唔怕，你下巴兜乜嘢都兜住啦。喂，世顯呀，公主真係唔係尚在人間呀，我真係要重拜見駙馬爺。
[24:50.00](世顯食住白) 折福，折福，福薄人擔當不起。
[24:57.00](周鍾唱滾花下句) 唉，所謂有香唔在東風映，恕老臣肉眼太無睛。先朝彩鳳在人間，天降紅鸞重照周郎命；
[25:16.00](叫白) 駙馬爺。(雙)
[25:18.00](世顯不應介)
[25:20.00](周鍾哀求哭白) 唉老臣之三折腰者，無非為兒孫做福矣，點解叫咗咁多聲你總唔應我呢駙馬爺。
[25:37.00](世顯唱滾花下句) 夷齊恥食周朝粟，怕只怕明朝帝女亦恥降清。未迎舊鳳入新朝，你喚盡千聲誰敢應；
[25:54.00](周鍾嬉皮笑面白) 公主肯嘅。
[25:59.00](滾花下句) 自有寬容如清帝，豈無特例慰崇禎，佢話隨身不須換朝衣，重會賜邑封藩顯盡佢慈祥性；
[26:18.00](世顯白) 公主番去都得，佢係有條件嘅噃。
[26:24.00](白欖) 前朝一朵帝女花，劫後依然存傲性，你不著新朝衣，不聽新朝命，至少有十二宮娥妝台伴，十丈紅絨鋪花徑。從臣皆著明朝服，公主入朝不改清朝姓。
[26:50.00](周鍾白欖) 些少條件何足論，清帝慈祥當答應，速速帶我訪妝台，好待老臣重孝敬。
[27:02.00](拖世顯欲下介白) 去啦。
[27:04.00](世顯搖頭不肯介口古) 咪住，你應該先帶我去見清帝，然後我番嚟回復至有話柄；
[27:12.00](周鍾點頭口古) 得，得，但而家日上三竿，正是午朝時候，不如我共你飛馬先入文淵閣，拜訪沈昌齡。
[27:29.00](世顯台口唱滾花下句) 個中自有玄機在，誰慕新恩負舊情。(與周鍾同下介)
[27:39.00]