切换到简体
00:00
 [ti:錯夢]
 [ar:任劍輝 白雪仙]
 [al:西樓錯夢]
 [au:唐滌生]
 [by:operawillis@gmail.com]
  
[00:00.00] 
[00:00.00]西樓錯夢
[00:00.00]第二場 錯夢
[00:00.00]任劍輝 白雪仙演唱
[00:00.00]唐滌生撰曲
[00:00.00] 
[00:00.00]任劍輝飾於叔夜
[00:00.00]白雪仙飾穆素徽
[00:00.00]梁醒波飾胥表即胥長公
[00:00.00]蘇少棠飾池同
[00:00.00]靚次伯飾於魯號雪賓
[00:00.00]任冰兒飾輕鴻
[00:00.00]英麗梨飾銀簧
[00:00.00]陳鐵善飾花六娘
[00:00.00]朱少波飾文豹
[00:00.00]歐偉泉飾趙祥即趙三爺，字將伯
[00:00.00]白龍珠飾池相國
[00:00.00]麥秋儂飾劉楚楚
[00:00.00] 
[00:12.00]叔夜: (嘆息介白) 唉！忽被更聲驚破夢，只見一床書卷一簾花，
[00:22.50]文豹: (以米盤捧藥一碗食住譜子上低叫白) 相公呀，飲咗碗藥先啦，
[00:25.50]叔夜: (白) 飲藥，哎，食藥就贃口苦啫，食極我都唔會醫得呢個病好嘅嘞，
[00:31.50]文豹: (白) 呀，唔係咁講喇相公，老爺話你歸來之後，喃喃自語，咄咄書空，恐怕你著了邪魔，色迷心竅咁話，所以請個名醫包必濟連下兩方，為你驅魔除妖呀，
[00:48.50]叔夜: (白) 唉，拎開啦，(花下句) 靈丹都難解我心頭病，我魂在西樓穆女家。誰開金鎖啟玉門，便是如來將身化；
[01:09.50]文豹: (搖頭嘻嘻笑白) 唉吔，相公呀，相公呀，相公，奴才真係擔當不起，你咁樣做法即係叫我死㗎啫，如果相公你唔飲呀，阿老爺又入嚟㗎咋相公，
[01:21.50]叔夜: (急白) 我怕咗你喇，飲就飲啦，唔好成日搵老爺嗰兩個字嚟壓我喇，
[01:26.00]文豹: (白) 我唔講喇，
[01:27.50]張千: (細聲白) 阿小哥，今有西樓穆姑娘託我帶來書信一封，說道要面交公子，敢煩小哥你暗裡通傳，可知此書值萬金，非同玩耍㗎，
[01:45.00](叔夜聞人聲隔門偷聽介)
[01:45.00]叔夜: (白) 呢位老人家，我聽聞話有書交俾於叔夜係嗎？
[01:49.50]張千: (白) 你就係於公子？
[01:50.00]叔夜: (白) 冇錯，冇錯，
[01:50.50]張千: (白) 係呀，係呀，姑娘吩咐聽候回音喎，
[01:55.50]叔夜: (搶信白) 咁唔該曬你呀嚇，
[01:58.50]雪賓: (食住此介口什邊內場叫白) 叔夜，叔夜，
[02:00.00]文豹: (大驚失色白) 叫，叫喇，老爺，
[02:01.50]叔夜: (一才扎覺白) 唔好嘈，老人家，因為我家訓森嚴，現在我不及看書，你返去回复素徽，你話我依書行事呀，你話佢信內點樣話，我就點樣做㗎喇，唔該你返去回复佢啦，
[02:11.50]張千: (白) 阿公子呀公子，姑娘臨行吩咐，要討回公子信物，方才信我，
[02:18.00]叔夜: (白) 咁信物，你等一等，等一等，我有玉燕一隻，你交俾素徽，你話就係訂情嘅信物，嗱，重有黃金一兩，作為酬勞，唔該你，記得話俾佢知，叫佢唔駛擔心呀，我依書行事呀，佢講乜嘢，我就點樣做，(叔夜無可奈何拈金塞與文豹白) 哎吔我怕咗你喇，成日好似冤鬼咁！哎，快啲躝啦！
[03:01.00]雪賓: (食住此介口什邊底景上了一才白) 唔叔夜，你行開嚟，
[03:05.50]叔夜: (連隨將書夾於線裝書回身應白) 哦，哦，
[03:07.00]雪賓: (一才喝白) 阿叔夜，(口古) 為父者雖有愛子姑息之心，奈何祖訓呀，佢都並無寬容之處噃，按祖訓嘅遺章，娼妓者例不能踏入我於門，(一才) 你有明知故犯都非兒孫也；
[03:30.50]叔夜: (急白) 阿爹，你此言差矣喇 (介) (口古) 文士落拓於街頭，未毀其志者，可稱完人，青樓女子，未毀其貞節者，可稱完璧，文士尚可以登科取仕，女子焉能不嫁入良家呢又。
[03:49.00]雪賓: (重一才語結老差成怒介白) 哎喲，叔夜 (花下句) 此後重門都永隔章台夢，你當知道，仗義當無古押衙。我深於閱歷教兒曹，八句箴言兒記下；(白) 叔夜，我有八句箴言，宣讀出來之後呀，我要你跪在庭階，你要重新朗誦，好待你刻骨鉻心，都不作非非之想，
[04:40.00]叔夜: (連隨跪下白) 孩兒願聆教訓，
[04:42.00]雪賓: (一才白) 聽住嚟，(乙反木魚) 鏡花水月就千般假；千古薄情都是野花。千金買笑招閒話；一任風搖蕊破蝶蜂侵花月芽。琵琶門巷口多車馬；自非生張熟魏區區三兩家。今朝接客談婚嫁；明日重來不奉茶。(白) 記得嗎？
[05:52.50]叔夜: (介白) 阿爹，(一口氣接白) 呢八句箴言系老生常言呀，我以為，名過其實囉，我想，
[06:02.50]雪賓: (喝白) 跪晌處，嗱，今生阿穆素徽呀，若有踏入我於門，哼哼，父子黃泉都恐無重見之期，你要重頭念起，快啲念，念！
[06:22.50]叔夜: (跪下白) 哦，(乙反木魚) 鏡花水月全虛假；千古薄情是野花。千金買笑招閒話；一任風搖蕊破蝶蜂侵花月芽。琵琶巷口多車馬；自非生張熟魏區區三兩家。今朝接客談婚嫁；明日重來不奉茶。
[06:53.00]雪賓: (嘆息白) 唉！系囉，
[06:54.00]叔夜: (白) 唉，記死人，阿爹！
[06:55.50]雪賓: (白) 分明多事，起身！唉！所謂教兒勞心力，蒼霜兩鬢加，
[07:10.00]叔夜: (白) 阿爹，早啲抖！好聲呀，
[07:12.00]雪賓: (白) 有分數，你記住就真，唔駛你咁好心！
[07:28.00]叔夜: (瘋狂撲埋拈信台口白) 噓！正系渴病逢甘露，還魂一紙書，唔駛講都係寫生死之句㗎咯，素徽，素徽！等我把來書拆讀，以慰相思之苦至得，乜信內軟軟如棉，如蘭如麝呀嚇，哦，信內有香雲一股，素徽！你真係愛我情深極矣咯，哎喲，點解呢，拆開封信得一張信箋喺度，一個字都冇寫落去嘿？呀？點解呢嚇，點解白紙一張，隻字都全無嘿嚇？(反線中板一句) 敢是未解作情書，敢是難寫蠅頭字，白茫茫不見妙筆簪花。(自言自語白) 呀，想下又唔會㗎，素徽佢才壓班姬，記得在花箋上寫我楚江情一首，唔會咁快就忘書廢字㗎！佢唔係唔會寫字㗎，點解呢你話？吖，冇理由系咁格，點解呢你話？(續唱) 呀，莫非老蒼頭，佢冒替嫩花魁，騙去我黃金有價；(白) 唔會㗎，就算個老蒼頭想呃我嘅錢，又唔會，你睇嚇，呢個信封墨跡猶鮮，明明係出自素徽手筆呀，吖，點解呢你話？素徽實在你做乜嘢㗎？素徽！你咁樣俾張白紙我，點解呢？吖，你真係想死人喇！點解呢，呀！(續唱) 莫不是倩女苦相思，佢執筆忘舐墨，佢記得舐墨筆又倒拿。(白) 又唔會㗎噃，呀，就算佢心情彷彿，至多是就詞不達意，書不成章嘅啫，唔會話一個字都冇㗎，真係點解呢！你話點解呢，哎！死喇！急死我喇真係，素徽呀，點解你咁紊盡㗎，俾張白紙我做乜嘢得㗎？(續唱) 莫非孫汝權，套取假情書，佢暗裡牽驢換馬啩；(白) 呀，又唔會㗎，若果被人換咗封信，又唔會成封信原封不動咯，而且重有香雲一縷添，若果換就換曬去啦，唉，你話做乜呢？素徽，你話做乜呢？你真係激死我！想到我心都亂曬喇！真係急死人㗎，真係！素徽 (續唱) 急得我淚如新雨灑桃花，猜詩難求生杜賈，猜謎憐我欠才華。莫不是素徽厭我被嚴親罵；佢故將白紙斷情芽。(花) 呀，系囉系囉，梗系空書回絕我呢個癡心人，猜得我懨懨欲睡銀屏下；
[13:45.00]叔夜: (唱小曲巫山一段雲) 郎腰病瘦欠瀟灑，衝破霧與霞，漸覺花燈照綠瓦，尋玉人別禁衙，(白) 好一座琉璃景界呀 (續唱) 驚見花蔭柳下，映出玉女家，敲破玉門，訴盡情切話，小姑既一心待嫁，休要被囚誤愛芽，(白) 重來相思地，待我叩門環，
[14:52.00]銀簧: (白) 風風月月夜，花魁將客謝，不論是舊愛新歡，談花債一律免賒免借，
[15:00.00]叔夜: (白) 哎呀，唔通你唔認得我呀？我就係於叔夜相公呀，同你地小姐定三生之約，係你親眼見㗎嘛，啊！你咁快就唔記得我囉？勞煩你通報你話於叔夜相公來拜訪咁話啦，
[15:27.50]銀簧: (白) 繡戶傳嬌語，於郎枉歎嗟，我家小姐從來都未認識於叔夜喎，
[15:35.00]叔夜: (白) 哎喲！唔識得於叔夜呀？真嘅？咁奇怪 (續唱) 莫非素徽佢病阻蓮駕，相思玉體差，莫非梳妝怕青絲髻亂待插花，抑或怕風起，禦泠雨披絳紗，郎是有意尋她，再商婚嫁，喜卜燈花，失報當心被穆娘罵，俾你買朵花，不須怕，霧夜禮物寡，拈去換銀罷，揖拜小冤家，(白) 香嬛姐，呀！我唔理你識我又好，唔識我又好啦，你俾我上西樓，借杯清茶嚟飲下都得啩，
[16:49.00]銀簧: (白) 欠奉呀！
[16:50.00]叔夜: (白) 欠奉呀？唉吔！唔通真係今朝接客談婚嫁，
[16:56.00]銀簧: (白) 有例是明日重來不奉茶！
[17:00.00]叔夜: (白) 素徽，素徽，
[17:03.00]素徽: (接唱) 驟見亂絮搖冷月，倒影妝閣下，幾多煙花債，我如何還盡也，今朝送客相挽共話，他朝接客莫再思他，朝歡暮樂恁風搖蕊破，蝶蜂侵花月芽，偷簪鬢上花，偷抹鉛華，驀見書生好色，被夜雨打，啐歸去吧，歸去也，謝客牌牒已高掛，花遭蝶困添身價，
[17:53.50]叔夜: (接唱) 問你何以舊約盡忘，被棄簷下，她非往日她，冷熱隔一晚便以三秋化成夏，慘炙牡丹芽，枉為姐姐相思失去風流儒雅，(加小序白) 素徽素徽，點解你忘情若此呢?
[18:24.50]素徽: (白) 啋！青樓有什麼情情愛愛？(接唱) 在章台蝶戀花香，爭相叫嘩，並非生張孰魏區區三兩家，重來舊客，未有花箋記情話，
[18:43.50]叔夜: (接唱) 狂叫穆素徽，盼能把舊約新恩向薄裡查，(過序白) 素徽素徽，你快下西樓，與我兩相對質，否則我撞死樓前，死難閉目呀素徽！
[19:02.50]素徽: (作狀白) 如此請少待，
[19:04.00]叔夜: (白) 素徽，
[19:25.50]素徽: (冷然白) 哪！呢位相公，你幾時嚟過㗎?
[19:26.50]叔夜: (白) 哎喲，死囉，我今早至嚟過，你對我講到我有三生留詩，兩載神交呢，
[19:33.50]素徽: (白) 此乃是青樓慣語，難於記取㗎！
[19:40.50]叔夜: (接唱) 今日你病起梳漱罷，窺書生弄絳紗，聽到花箋載艷曲，花容漸詫，抱病留客閨閣下，
[19:58.50]素徽: (白) 哦原來是投送花箋客，唓！一紙花箋又有甚淵源？直得兩相對質啫?
[20:10.50]叔夜: (接唱) 為郎度楚江情，曾共我同盟婚嫁，
[20:17.00]素徽: (接唱) 受禮茶，是勾欄中笑話，你若要娶花魁，萬貫難論價，你要娶妻，應自向花間選抱琵琶，(招手叫眾姬下樓介)
[20:35.00]叔夜: (叫白) 哎呀，素徽，素徽，素徽，
[21:15.50]叔夜: (續唱) 一諾千金書中有話，
[21:20.00]素徽: (笑唱) 你仍未化，真書呆也，
[21:25.00]叔夜: (接唱) 簷前誓約話非我莫嫁，
[21:29.50]素徽: (接唱) 幸勿再想乞天仙嫁，一心與君共嬉耍啫，
[21:36.00]叔夜: (接唱) 悲嚴親三番責罵，
[21:40.00]素徽: (接唱) 君不見艷幟樓外掛，千金買笑受閒話，
[21:48.50]叔夜: (接唱) 哀背約寒盟心血白化，
[21:53.50]素徽: (接唱) 押落妓女家，我孽債曾欠下，
[21:58.00]叔夜: (接唱) 誰話?
[21:59.50]素徽: (接唱) 儂話！
[22:00.50]叔夜: (接唱) 三春過後，花遭劫難邊個收拾，
[22:06.50]素徽: (接唱) 啋！懶管他，任一朝毀花訊也不落你太守家，
[22:15.00]叔夜: (白)　唉吔素徽，素徽
[23:06.00]叔夜: (哭叫接唱) 約負伯牙，花魁欺騙了夢霞，病折檀郎腰瘦一把，萬千傷心語，融合一句話，花箋結鴛侶，緣份也，舊約定難作罷，倘若騙婚圖另嫁，我便世世將你咒罵，
[24:08.50]素微: (接唱) 漸覺釵松寶髻倦，倚翠衙，懶盪那千秋架，复君一句話，薄情是野花，決難下嫁，虛度歲華，我似滄桑浪裡沙，遭春風秋雨洗劫，愛恨早麻木也，
[24:48.00]叔夜: (催快接唱) 愛極變常態，不得絳仙不作罷，
[24:54.00]素微: (接唱) 花花月月顧住放走他，
[25:00.00]叔夜: (接唱) 輕舒素手捉复拿，冷月又隨煙化，(叫白) 姐姐，
[25:05.50]素徽: (接唱) 殘宵懶酬酢，可休要姐也妹也，瘋癲可怕，
[25:12.00]叔夜: (接唱) 病挫玉郎為愛花，為續愛念追落夜台，鑄千秋佳話，
[25:21.00]素徽: (接唱) 妾是鏡湖花月，哪堪追逐，
[25:26.00]叔夜: (接唱) 縱橋破失足也，甘喪身花月下，
[25:31.50]素徽: (接唱) 孽孽冤冤，乞君重回夢寐查，纖影失去後，空抱月華，
[26:00.50]叔夜: (吊慢唱) 猜破花月謎，青煙遮沒了裙褂，十二個羅剎天魔女，送巾逐我歸去罷，
[26:28.00]雪賓: (內場哭叫白) 叔夜，叔夜，
[26:29.00]叔夜: (催快唱) 是哪個叫喚心驚詫，微覺爹爹喝罵，在雲下，駕風霧好歸家
[26:50.50]雪賓: (哭叫白) 叔夜，叔夜呀，阿豹，阿豹，你即刻去請包必濟醫師快啲嚟啦，你重要去通知宏發大師，你叫佢去蘇杭寺院，許下宏願，保佑我兒回生，快啲去啦！
[26:55.00]文豹: (白) 哦，我去嘞！
[26:59.50]包必濟: (詩白) 唔！箱中一疊閻王票，好似無常探病家，唉！
[27:21.50]雪賓: (繼續哀叫白) 嬌兒，叔夜，(介白) 唉，阿春花呀春花，我信得過都怕燈盡油枯囉！唉，你哋相公，都怕斷氣多時喇，唔好講咁多閒話囉，你即刻替我早發訃聞，速敲雲板，
[27:54.00](春花敲雲板三聲介)
[27:54.00]必濟: (大驚介台口白) 唔，弊傢伙啦，聽見連敲雲板之聲，一定於相公都曾經逝世，我錯投藥石，誤殤人命，老大人必不肯與我乾休，趁此時機則逃之夭夭，一干二淨，(急下)
[28:17.50]楚楚: (口古) 哦，原來阿包大夫，包大夫，何故你神色倉惶，好似脫韁之馬；
[28:25.50]必濟: (口古) 唉，阿楚楚，都係我誤投藥石，才有於相公佢曾經去世，都錯在我兩碗藥茶。(急下介)
[28:39.50]楚楚: (白) 嚇，於叔夜相公曾經死了？哎呀！
[28:52.00]雪賓: (花下句) 風搖線斷香燈滅，我喪子堪憐暮景差。我都已無子息送天年，只余老淚雙眸掛；(白) 我哋阿叔夜呀！
[29:38.00]叔夜: (哭頭白) 阿爹呀 (介) 爹呀，
[29:40.50]雪賓: (驚白) 嚇，邊個呀？你可是回生，
[29:52.50]叔夜: (扎醒手中仍拈白紙昏昏然台口唱花下句) 素箋原是香羅帕，佳人原是鏡中花。(跪下而哭抱賓膝介) 八句箴言字字真，從今願聽爹爹話；
[30:12.50]雪賓: (悲咽白) 罷了嬌兒，叔夜，(白欖) 兒亡父母憑床哭，幾見花魁有淚憑棺灑，難撈水中月，難攀鏡裡花，一到五鼓明天，我共你去杭州，聽候龍虎榜掛，若得獨占鰲頭之日，與你另選名門淑女宜室宜家
[30:54.50]叔夜: (點頭唱花下句) 勘破空書憑一夢，不任陌頭柳色誤年華。
[31:03.50]雪賓: (白) 你經過此次之後，我相信你怕看破色空，此次你回生等於神助一樣呀，切勿忘記，你去到杭州之後呀，你最緊要找尋虛雲大師，酬答神恩呀，
[31:26.00]叔夜: (白) 孩兒遵從嚴命，
[31:28.00]雪賓: (白) 好，緊記！　
[31:30.00]